कमळ

चिखल-पाण्यात उभे आहे, ताठ मानेने पंकज

राष्ट्राच्या अभिमानाचा, मिरवित निरंतर ध्वज

विविध छटांच्या पाकळ्या, नाना रंगाचे कंज

भिन्न जाती धर्म एकता, आनंदे सामावी अंबुज .

चिखल-पाण्यात उभे आहे, ताठ मानेने पंकज..

पाने झोपून पाण्यावरती, उचलून धरती जलज

झाकून साऱ्या वेदनांना, हसरे दिसते नीरज

चिखल-पाण्यात उभे आहे, ताठ मानेने पंकज..

चमके कमळावरती मोती, दवबिंदूंचे थेम्ब सहज

दवबिंदू कि अश्रू पद्मा, पानावर ओघळे सरसिज..

चिखल-पाण्यात उभे आहे, ताठ मानेने पंकज..

पाकळ्यांची उघडून दारे, आसनस्थ लक्ष्मीचे तेज

भारतमाता दिसे आपुली, वंदन तिजला, सरोज..

चिखल-पाण्यात उभे आहे, ताठ मानेने पंकज..

राष्ट्राच्या अभिमानाचा, मिरवित निरंतर ध्वज..

विनिता धुपकर