गोडवा

किती गोडवा त्या हसण्यात

जणू सुखाचे तुषार अंतरात

किती गोडवा त्या सुरात

जणू देवांचा देव गळ्यात

किती गोडवा त्या शब्दात

जणू गुळाचा खडा मुखात

किती गोडवा त्या बोलात

जणू बाळकृष्ण आला घरात

किती गोडवा त्या स्पर्शात

जणू कापूस पिंजलेला ससाच

किती गोडवा त्या रंगात

जणू कुंचला इंद्रधनूच्या हातात

किती गोडवा त्या विचारात

जणू साखर पेरली मनात

*तीळगूळासारखे एकमेकांना धरून राहू आणि गोडवा वृद्धिंगत करू*

विनिता धुपकर