निसर्ग

गातो निसर्ग आनंद गाणे

दिरदीरतोम तननन दितोम तराणे

थेंबटपोरे पानी पडता

नुपूर वाजवीत नृत्य देखणे

दिरदीरतोम तननन दितोम तराणे

मृदगंधाचे अत्तर घेऊन

वाऱ्याचे रानात वाहणे

दिरदीरतोम तननन दितोम तराणे

रंग नभाचे लाल जांभळे

घेत फुलांचे संथ डोलणे

दिरदीरतोम तननन दितोम तराणे

पक्षी मांडती गीत सूरांतुनी

ऊन कोवळे हसे दिवाणे

दिरदीरतोम तननन दितोम तराणे

रात्र पांघरुनि दिशा गुंगल्या

गझल नभीची चंद्र-चांदणे

दिरदीरतोम तननन दितोम तराणे

सूर-रंग मैफील सजलेली

तुझे (माणसा) नको बेसूर बहाणे...!

दिरदीरतोम तननन दितोम तराणे

विनिता धुपकर